گوتم گمبھیر کا استعفیٰ دینے سے انکار، کوچنگ جاری رکھنے کا فیصلہ

حال نیوز۔۔۔۔۔۔۔انڈین کرکٹ ٹیم کے ہیڈ کوچ گوتم گمبھیر نے استعفیٰ دینے سے صاف انکارکر دیا، کوچنگ جاری رکھنے کا فیصلہ،جنوبی افریقہ سے عبرتناک شکست کے بعد گوتم گمبھیر کی برطرفی کی افواہیں زیرگردش کر رہی ہیں، حالیہ دنوں میں گوتم گمبھیر کے بطور ہیڈ کوچ مستقبل پر شکوک و شبہات بڑھ گئے ہیں،  بھارت نے انگلینڈ کے دورے پر بہتر کارکردگی دکھائی، چیمپئنز ٹرافی اور ایشیا کپ بھی اسی دور میں ٹیم نے جیتے تھے۔ گزشتہ ایک سال کے دوران بھارت کی ہوم ٹیسٹ کارکردگی شدید تنقید میں ہے تاہم اس کے باوجود کرکٹ ٹیم کے ہیڈ کوچ گوتم گمبھیر نے واضح کر دیا ہے کہ وہ اپنے عہدے سے استعفیٰ دینے کا کوئی ارادہ نہیں رکھتے۔

گوتم گمبھیر نے یاد دلایا کہ ان ہی کی کوچنگ میں بھارت نے انگلینڈ کے دورے پر بہتر کارکردگی دکھائی جبکہ چیمپئنز ٹرافی اور ایشیا کپ بھی اسی دور میں ٹیم نے جیتے تھے۔ان کا کہنا تھا کہ حتمی فیصلہ بی سی سی آئی کا ہے مگر انہوں نے کبھی بھارتی کرکٹ کو اپنی ذات سے بڑا نہیں سمجھا۔انہوں نے بتایا کہ بھارتی بیٹنگ لائن اپ کے کئی کھلاڑی 15 سے بھی کم ٹیسٹ میچ کھیل چکے ہیں جبکہ سینئر کھلاڑی روی چندرن ایشون، روہت شرما اور ویرات کوہلی کی ریٹائرمنٹ نے واضح خلا پیدا کیا ہے۔گمبھیر کے مطابق نوجوان کھلاڑی وقت کے ساتھ بہتر ہوں گے، انہیں صرف تجربہ درکار ہے۔گمبھیر کا کہنا تھا کہ کامیابی ہو یا ناکامی، دونوں کی ذمہ داری پوری ٹیم پر ہوتی ہے اور وہ اپنے کھلاڑیوں کے ساتھ کھڑے ہیں۔ مسلسل تنقید کے باوجود انہوں نے واضح کر دیا ہے کہ وہ اپنی مدت مکمل کرنے کے لیے پْرعزم ہیں۔

خیال رہے کہ نیوزی لینڈ کے ہاتھوں 3-0 کی وائٹ واش شکست اور اب جنوبی افریقا کے خلاف 2-0 کے کلین سویپ کے بعد یہ سوال زور پکڑ گیا تھا کہ کیا گمبھیر کو ٹیسٹ کوچنگ چھوڑ دینی چاہیے۔ تاہم پریس کانفرنس میں انہوں نے دوٹوک انداز میں کہا کہ وہ کہیں نہیں جا رہے۔جنوبی افریقہ کے خلاف بھارتی ٹیم کی 0-2 سے وائٹ واش ناکامی کے بعد ہیڈکوچ گوتم گمبھیر کو عہدے سے برطرف کرنے کی افواہیں زیرِ گردش ہیں۔بھارتی میڈیا کے مطابق حالیہ دنوں میں گوتم گمبھیر کے بطور ہیڈ کوچ مستقبل پر شکوک و شبہات بڑھ گئے ہیں۔بھارت کے متعدد معتبر حلقوں میں یہ بھی کہا جا رہا ہے کہ وی وی ایس لکشمن ریڈ بال ٹیم کے نئے کوچ بن سکتے ہیں جبکہ بی سی سی آئی نے اِن تمام افواہوں کو بے بنیاد قرار دے دیا ہے۔

بھارتی میڈیا کا کہنا ہے کہ تمام افواہوں کے پیشِ نظر بی سی سی آئی نے واضح کیا ہے کہ بھارتی کرکٹ میں گمبھیر کی پوزیشن مضبوط ہے اور وہی 2027ء تک ٹیم کی منصوبہ بندی کے مرکزی کردار رہیں گے۔بی سی سی آئی نے ’این ڈی ٹی وی‘ سے کی گئی خصوصی گفتگو میں کہا ہے کہ گوتم گمبھیر ہی بھارتی ٹیم کے بطور ہیڈ کوچ ذمہ داری نبھاتے رہیں گے۔بی سی سی آئی کے مطابق گوتم گمبھیر کو 2027ء ورلڈ کپ تک ٹیم کی تعمیرِ نو کا منصوبہ سونپا گیا ہے اور وہی اس دورانے میں ٹیم کی قیادت کریں گے۔ بھارتی بورڈ کا مؤقف ہے کہ ٹیم اس وقت تبدیلی کے دور سے گزر رہی ہے اور ضرورت اس بات کی ہے کہ کوچ کو مکمل وقت اور تعاون دیا جائے۔