‎وفاقی وزیر منصوبہ بندی، ترقی و خصوصی اقدامات پروفیسر احسن اقبال نے آج بیجنگ میں چائنا اٹامک انرجی اتھارٹی اور چین کی خلائی ایجنسی کے چیئرمین مسٹر شان زونگڈے سے ملاقات کی۔

‎
‎بیجنگ، 4 اگست 2025

‎ملاقات میں جوہری توانائی اور خلائی تحقیق میں تعاون کو ترقیاتی اہداف سے ہم آہنگ کرنے پر تبادلہ خیال کیا گیا۔

‎وزیر احسن اقبال نے اقوام کہا کہ سی پیک نے پاکستان کے انفراسٹرکچر اور توانائی کے شعبے میں موجود رکاوٹوں کو دور کیا ہے۔

‎انہوں نے کہا کہ پاکستان اور چین کے درمیان جوہری توانائی کے شعبے میں تعاون مسلسل ترقی کر رہا ہے۔

‎کے-2 کے-3 اور سی-5 نیوکلئر پاور پلانٹس اس تعاون کی روشن مثالیں ہیں۔

‎موسمیاتی تبدیلی کے اثرات پر بات کرتے ہوئے وفاقی وزیر احسن اقبال نے ایٹمی توانائی کے ذرائع اپنانے کی فوری ضرورت پر زور دیا۔

‎انہوں نے کہا کہ موسمیاتی تبدیلی سے پیدا ہونے والے اثرات نے دنیا کو خوراک، پانی، صحت، زراعت، معدنیات اور دیگر معاشی شعبوں میں پائے جانے والے چیلنجز کا مقابلہ کرنے کے لیے متبادل توانائی تلاش کرنے پر مجبور کر دیا ہے۔

‎انہوں نے کہا کہ وزیر اعظم شہباز شریف کی قیادت اور وژن کے تحت پاکستان کے خلائی پروگرام کو نئی تحریک ملی ہے۔

‎انہوں نے مزید کہا کہ “اڑان پاکستان” کے تحت خلائی سائنس پر خصوصی توجہ دی جا رہی ہے۔ حال ہی میں پاکستان نے چین کے تعاون سے تین سیٹلائٹس کامیابی سے خلا میں بھیجے ہیں۔

‎پاکستان 2026 میں اپنا پہلا خلاباز چینی خلائی اسٹیشن پر بھیجنے کے لیے تیار ہے۔