سکھ فار جسٹس کا پاک فوج کیساتھ ملکر انڈیا کیخلاف لڑنے کا اعلان
حال نیوز۔۔۔۔۔۔۔سکھ فار جسٹس نے پاک فوج کیساتھ ملکر انڈیا کیخلاف لڑنے کا اعلان کر دیا، بھارتی وزیر دفاع کی گیدڑ بھبکی کیخلاف سکھ پاکستان کے شانہ بشانہ کھڑے ہو گئے، بھارتی جبر و استبداد کے شکار سکھوں نے پاکستان کیخلاف دہشت گرد مودی کا ساتھ دینے سے انکارکردیا، سکھ فوجیوں سے سندھ کے دفاع کیلئے پاک فوج میں شامل ہونے کی ہدایت کر دی۔ بھارتی وزیر دفاع کی گیدڑ بھبکی کیخلاف سکھ پاکستان کے شانہ بشانہ کھڑے ہو گئے۔بھارتی جبر و استبداد کے شکار سکھوں نے پاکستان کیخلاف دہشت گرد مودی کا ساتھ دینے سے انکارکردیا۔
سکھ رہنماؤں نے سکھ فوجیوں سے سندھ کے دفاع کیلئے پاک فوج میں شامل ہونے کی ہدایت کردی۔سکھوں کی سب سے بڑی تحریک ”سکھ فار جسٹس ” نے بھارت کیخلاف سکھوں کی پاک فوج میں کھلی بھرتی کا مطالبہ کیا ہے۔سکھ فار جسٹس نے فیلڈ مارشل عاصم منیر سے بھارتی مقبوضہ پنجاب کے سکھ رضاکاروں کو پاک فوج میں شمولیت کی دعوت دینے کی درخواست کی ہے۔سکھ فار جسٹس کے سربراہ گرپتونت سنگھ پنوں کا کہنا تھا کہ بھارتی وزیر دفاع کی سندھ پر قبضے کی کھلی دھمکی کے پیشِ نظر پاکستان کو فوری سکھوں کیلئے خصوصی بھرتی کاراستہ کھولنا ہوگا۔
گرپتونت سنگھ پنوں کا کہنا تھا کہ پاکستان سکھوں کیلئے بھرتی کا راستہ کھولے تاکہ وہ سندھ کے دفاع کیلئے پاک فوج میں شامل ہو سکیں۔ سکھوں کی سب سے بڑی تحریک ”سکھ فار جسٹس ”نے درخواست دی کہ؛سکھ رضاکاروں کی خصوصی فہرست اور ایک وقف سکھ دفاعی یونٹ کی تشکیل کی جائے۔سکھ فار جسٹس کا کہنا ہے کہ سکھ رضا کاروں کے اس یونٹ کی تعیناتی خاص طور پر سندھ کے دفاع کے لیے کی جائے، جیسے ہی پاکستان اندراج کاپروٹوکول جاری کرے گا۔
دنیا بھر میں ہزاروں سکھ رضاکار پاک فوج میں شامل ہونے کیلئے تیار ہیں، ہم اقوامِ متحدہ کے بین الاقوامی قوانین کی بنیاد پر مضبوط مؤقف رکھتے ہیں، عالمی قوانین کے تحت فوجیوں کو یہ حق حاصل ہے کہ وہ اپنی ضمیر یا اخلاقی وجوہات کی بنا پر کسی جنگ میں حصہ لینے سے انکار کر سکتے ہیں، دنیا پاکستان کے مضبوط مؤقف اور بھارتی جارحیت کیخلاف اپنی مکمل حمایت کا اظہار کر رہے ہیں۔بھارتی جنگی سیاست اور دہشت گردی کے فروغ کے منصوبے کیخلاف دنیا پاکستان کے ساتھ کھڑی ہے۔
