آکسفورد یونین مباحثہ، بھارتی وفد بھاگ گیا، پاکستان فتح یاب

حال نیوز۔۔۔۔۔۔۔پاکستان نے آکسفورڈ یونین مباحثے میں بلامقابلہ فتح حاصل کر لی، بھارتی وفد نے مباحثے سے بھاگ گیا جنرل (ر) زبیر محمود حیات، حنا ربانی کھر اور ڈاکٹر فیصل لندن میں موجود، بھارتی مقررین مباحثے سے غیر حاضر رہے، بھارتی وفد نے غیر معروف متبادل مقررین پیش کیے، جس سے مباحثے کی ساکھ متاثرہوئی،آکسفورڈ یونین میں بھارت کی پاکستان پالیسی پر مباحثہ نہ ہونے سے بھارتی بیانیہ کی کمزوری بے نقاب ہو گئی۔

طلبہ کی اکثریت بھارتی ہونے کے باوجود بھارت نے ووٹ کا سامنا کرنے سے انکار کیا، پاکستان نے دلیل، مکالمے اور قانونی مؤقف سے مباحثے کے لیے تیاری کی، بھارت نے ہتھیار ڈال دیے۔ آکسفورڈ یونین کے تصدیق شدہ مباحثے میں پاکستان نے بلامقابلہ فتح حاصل کی، جب کہ بھارتی وفد نے مقررہ وقت پر مباحثے سے دستبرداری اختیار کر کے مباحثے کو سبوتاڑ کر دیا۔پاکستانی وفد میں جنرل (ر) زبیر محمود حیات، سابق وزیر خارجہ حنا ربانی کھر اور ڈاکٹر محمد فیصلشامل تھے، جو مباحثے کے لیے لندن میں موجود تھے۔

پی ایچ ایل لندن کے مطابق بھارتی وفد کے مصدقہ اسپیکرز جنرل ایم ایم نروا، ڈاکٹر سبرامنیَم سْوامی اور سچن پائلٹ نے مباحثے سے دستبرداری اختیار کر دی، اور صرف غیر معروف و کم درجے کے مقررین کی پیشکش کی گئی، جو پاکستانی وفد کے معیار کے مطابق نہیں تھی۔پاکستان ہائی کمیشن کے بیان کے مطابق، بھارتی جانب سے کم تر متبادل پیش کرنے کی کوشش نے آکسفورڈ یونین اور جامعہ آکسفورڈ کی ساکھ اور توازن کو شدید متاثر کیا۔ بھارتی وفد کی دستبرداری نے اس بات کو واضح کر دیا کہ بھارت کی پاکستان پالیسی محض عوامی جذبات بھڑکانے کی حکمت عملی ہے، جبکہ علمی مباحثے اور دلیل کے سامنے وہ کھڑا نہیں ہو سکتا۔

پاکستان ہائی کمیشن کے مطابق، آکسفورڈ یونین میں طلبہ کی اکثریت بھارتی ہونے کے باوجود بھارتی وفد نے ووٹ کے ذریعے اپنی دلیل پیش کرنے سے انکار کیا۔ یہ واقعہ مئی 2025 کے بعد بھارت کی سفارتی اور بیانیاتی ناکامیوں کی تازہ کڑی ہے۔بیان میں کہا گیا ہے کہ پاکستان نے مباحثے کے لیے واضح، مدلل اور پراعتماد مؤقف تیار کر رکھا تھا، لیکن بھارت نے پسپائی کو ہی حکمت عملی بنایا۔ آکسفورڈ میں بھارتی وفد کی غیرحاضری ان کے عوام کے سامنے بھی سوالیہ نشان بن گئی ہے، جبکہ پاکستانی وفد نے دلیل، مکالمے اور قانونی مؤقف سے مباحثے میں جیت حاصل کی۔