وزیراعلیٰ بلوچستان میر سرفراز بگٹی کو کام جاری رکھنے گرین سنگل مل گیا

حال نیوز۔۔۔۔۔۔۔وزیراعلیٰ بلوچستان میر سرفراز بگٹی کو کام جاری رکھنے گرین سنگل مل گیا، اسپیکر قومی اسمبلی سردار ایاز صادق سے وزیر اعلی بلوچستان سرفراز احمد بگٹی کی ملاقات، اسپیکر نے مکمل تعاون کی یقین دہانی کرا دی، بلوچستان کی ترقی پاکستان کی ترقی ہے، صوبے کے عوام اور سیکیورٹی فورسز دہشتگردی کیخلاف مسلسل نبردآزما ہیں۔ اسپیکر قومی اسمبلی سردار ایاز صادق سے وزیر اعلی بلوچستان سرفراز بگٹی کی ملاقات پارلیمنٹ ہاوس اسلام آباد میں ہوئی، جس میں بلوچستان کی سیاسی، سماجی، اقتصادی اور ترقیاتی صورتحال پر تفصیلی اور بامعنی تبادلہ خیال کیا گیا۔ ملاقات میں وفاق اور صوبے کے درمیان مضبوط رابطے، عوامی مسائل کے حل، اور صوبے میں جاری ترقیاتی منصوبوں پر زور دیا گیا۔

اسپیکر قومی اسمبلی سردار ایاز صادق نے کہا کہ بلوچستان کی ترقی پاکستان کی ترقی ہے اور صوبے کی اتحادی حکومت عوام کی فلاح و بہبود کے لیے بھرپور کردار ادا کرتی رہے گی۔ انہوں نے کہا کہ بلوچستان میں جاری بڑے ترقیاتی منصوبے خوش آئند ہیں اور یہ صوبے کی معاشی اور سماجی ترقی کیلئے سنگ میل ثابت ہوں گے۔ اسپیکر سردار ایاز صادق نے وزیراعلیٰ بلوچستان میر سرفراز بگٹی کو یقین دہانی کرائی کہ اسپیکر قومی اسمبلی کی قیادت ہر سطح پر صوبے کی معاونت کے لیے دستیاب ہے اور وفاق اور صوبوں کے مابین رابطوں کو مزید فروغ دیا جائے گا تاکہ عوامی مسائل کے بروقت حل کو یقینی بنایا جا سکے۔

وزیر اعلی بلوچستان سرفراز احمد بگٹی نے اسپیکر قومی اسمبلی کی قیادت اور پارلیمانی خدمات کو خراج تحسین پیش کرتے ہوئے کہا کہ بلوچستان اسمبلی میں قانون سازی کے عمل میں قومی اسمبلی کے تعاون سے کام کو بہتر انداز میں آگے بڑھایا جا رہا ہے۔ انہوں نے مزید کہا کہ صوبے کے عوام اور سیکیورٹی فورسز دہشت گردی کے خلاف مسلسل نبردآزما ہیں، اور وفاقی تعاون سے امن و امان کی صورتحال میں مزید بہتری ممکن ہے۔ملاقات کے دوران دونوں رہنماں نے صوبے میں جاری عوامی فلاحی منصوبوں، بنیادی ڈھانچے کی بہتری، تعلیم و صحت کے شعبوں میں ترقی، سڑکوں، پلوں اور دیگر انفراسٹرکچر کی ترقی کے اقدامات پر بھی تفصیلی بات چیت کی۔

وزیر اعلی بلوچستان نے کہا کہ اسپیکر قومی اسمبلی کی رہنمائی میں بلوچستان کے عوام کے مسائل کو ترجیح دی جائے گی اور صوبے کی سیاسی، سماجی اور اقتصادی ترقی کے لیے ہر ممکن تعاون فراہم کیا جائے گا۔ انہوں نے کہا کہ وفاق اور صوبوں کے درمیان مضبوط رابطے عوامی مسائل کے حل میں کلیدی کردار ادا کرتے ہیں اور اس بات کو یقینی بنایا جائے گا کہ عوام کو ہر سطح پر سہولیات اور ترقیاتی فوائد پہنچیں۔ملاقات کے اختتام پر دونوں رہنماں نے بلوچستان کی ترقی، امن اور خوشحالی کے لیے مشترکہ اقدامات جاری رکھنے پر زور دیا اور اس عزم کا اظہار کیا کہ صوبے کے عوام کی فلاح و بہبود اولین ترجیح رہے گی۔