اداکار یاسر حسین کا کہنا تھا کہ اپنے بیٹھے کبیر حسین کی تربیت کی خاطر پوش علاقہ ڈی ایچ اے چھوڑ کر عام علاقے میں رہائش اختیار کی کیونکہ میں چاہتا تھا کہ میرا بچہ کبیر حسین اسی طرح گلی محلے میں کھیلے جس طرح میں اپنے بچپن میں کھیلا کرتا تھا۔ان کا کہنا تھا کہ میں یہ نہیں کہتا کہ پوش علاقے کے بچے کھیلتے نہیں ہیں وہ کھیلتے ہیں مگر قدرتی ماحول میں نہیں کھیلتے۔
یاسر حسین کا کہنا تھا کہ پوش علاقوں کے بچے پلے ہاؤ س میں جا کر کھیلتے ہیں جہاں اے سی لگا ہوتا ہے، ان بچوں کا آپس میں اس طرح میل جول نہیں ہوتا لیکن اب کبیر باہر کھیلتا ہے تو پسینے پسینے ہو جاتا ہے، گلی کے بچوں کیساتھ میل جول ہے وہ ہمارے گھر آتے ہیں، اسے باقاعدہ گلی محلے کا ماحول مل رہا ہے۔یاسر حسین کا کہنا ہے کہ میرا بیٹا آج بھی اولڈ اسکول ہے، وہ مٹی میں کھیلتا ہے، ریت سے گھر بناتا ہے، یہ پوش علاقے میں ممکن نہیں تھا۔