کلاؤڈفلیئر میں تکنیکی خرابی، انٹرنیٹ متاثر، متعدد ویب سائٹس بند ہو گئیں

حال نیوز۔۔۔۔۔کلاؤڈفلیئر میں تکنیکی خرابی، انٹرنیٹ متاثر، متعدد ویب سائٹس بند ہو گئیں، انٹرنیٹ صارفین ایکس، اسپاٹیفائی اور کینوا سمیت اہم پلیٹ فارمز تک رسائی سے محروم ہو گئے، چند بڑی کمپنیوں کی خرابی سے دنیا بھر کے ڈیجیٹل نظام متاثرہوا ہے۔دنیا بھر کی اہم ویب سیکیورٹی اور نیٹ ورکنگ کمپنی کلاؤڈ فلیئر کی سروسز میں اچانک تکنیکی خرابی کے باعث کئی اہم ویب سائٹس اور پلیٹ فارمز متاثر ہوئے ہیں۔ اس خرابی کے نتیجے میں صارفین ایکس، اسپاٹیفائی، کینوا اور اوپن اے آئی کے چیٹ بوٹ چیٹ جی پی ٹی سمیت دیگر سروسز تک رسائی حاصل کرنے میں مشکلات کا سامنا کر رہے ہیں۔

پاکستانی وقت کے مطابق منگل کی شام ساڑھے چار بجے کے بعد صارفین کی جانب سے ویب سائٹس تک رسائی نہ ملنے کی شکایات سامنے آئیں۔ کلاؤڈ فلیئر نے اپنے بیان میں کہنا تھا کہ وہ اس خرابی سے آگاہ ہے اور اسے جلد حل کرنے کی کوشش کر رہی ہے۔کلاؤڈ فلیئر دنیا بھر کی تقریباً 20 فیصد ویب سائٹس کے لیے خدمات فراہم کرتی ہے، جن میں سائبر حملوں سے بچاؤ، بھاری ٹریفک کے دوران ویب سائٹس کو فعال رکھنا اور دیگر تکنیکی سہولیات شامل ہیں۔ کمپنی کی یہ تکنیکی خرابی گزشتہ ماہ کی ایمازون ویب سروسز کی آؤٹیج کے مشابہ ہے، جس نے عالمی سطح پر متعدد ویب سائٹس کو متاثر کیا تھا۔

ماہرین کا کہنا ہے کہ اس واقعے سے انٹرنیٹ کے جدید نظام کی نازک ساخت واضح ہوتی ہے، جہاں چند بڑی کمپنیاں دنیا بھر کے ڈیجیٹل نظام کو کنٹرول کرتی ہیں اور معمولی خرابی سے متعدد ممالک اور شعبے متاثر ہو سکتے ہیں۔انٹرنیٹ کی انفرااسٹرکچر کلاڈفلیئر میں تکنیکی خرابی پیدا ہوگئی۔برطانوی میڈیا کے مطابق کلاؤڈفلیئر میں تکنینکی خرابی سے انٹرنیٹ سروسز متاثر ہوگئی، تکنیکی خرابی سے سوشل میڈیا ایپس بھی متاثر ہوگئیں۔انٹرنیٹ کی رفتار مانیٹر کرنے والی ویب سائٹ بھی تکنیکی خرابی سے متاثر ہوئی ہے، انٹرنیٹ برازنگ کرنے پر انٹرنل سرور ایرر آن کلاڈفلیئر نیٹ ورک کا میسج سامنے آ رہا ہے۔