وزیر خوراک خیبرپختونخوا ظاہر شاہ طورو نے مردان سپورٹس کمپلیکس کا گزشتہ روز دورہ کیا اور جاری ترقیاتی کاموں کا تفصیلی جائزہ لیا۔ اس موقع پر ریجنل سپورٹس آفیسر محمد سلیمان نے منصوبوں کی پیش رفت اور معیار سے متعلق بریفنگ دی۔
وزیر خوراک نے ہدایت کی کہ تمام ترقیاتی منصوبے بروقت اور معیاری طور پر مکمل کیے جائیں۔ انہوں نے کہا کہ سپورٹس کمپلیکس نوجوانوں کے لیے ایک اہم کھیلوں کا مرکز ہے، جہاں کھیلوں کے فروغ سے صحت مند سرگرمیوں کو فروغ دیا جا سکتا ہے۔
انہوں نے مزید کہا کہ صوبائی حکومت وزیر اعلیٰ علی امین گنڈاپور کی قیادت میں کھیلوں کے فروغ اور نوجوانوں کو جدید سہولیات فراہم کرنے کے لیے ہر 
ممکن اقدامات کر رہی ہے، تاکہ علاقائی ٹیلنٹ کو نکھارا جا سکے۔
اس موقع پر ریجنل سپورٹس آفیسر نے وزیر خوراک کو یقین دہانی کرائی کہ تمام تعمری کام محکمانہ رہنمائی کے مطابق مکمل کر کے مردان سپورٹس کمپلیکس کو ایک مثالی سہولت گاہ بنایا جائے گا۔
Comments are closed.