حال نیوز۔۔۔۔۔۔۔پاکستان دنیا میں ابھرتی ہوئی معیشت کے طور پر سامنے آرہا ہے، پاکستان اور بحرین ایک جسم، دو روحیں اور ایک دل کی مانند ہیں، دورے کا مقصد اقتصادی شعبوں میں نئی پیشرفت ہے، وقت آگیا ہے دونوں ممالک کے مضبوط تعلقات کو معا شی تعاون میں تبدیل کریں، وزیراعظم شہباز شریف نے بحرین کے سرمایہ کاروں کو پاکستان میں مختلف شعبوں میں سرمایہ کاری کی دعوت دے دی، پاکستان معاشی اصلاحات اور نجی شعبے کی قیادت میں ترقی کے نئے دور میں داخل ہو رہا ہے،زراعت،آئی ٹی،معدنیات، توانائی اور دوسرے شعبوں میں سرمایہ کاری کے نئے دروازے کھلے ہیں، بحرین کے سرمایہ کار پاکستان آئیں اور ہمارے ساتھ شراکت داری کریں،ہم سرمایہ کاری، مشترکہ منصوبوں اور کاروباری تعاون کے لیے ہر ممکن سہولت فراہم کریں گے،پاکستان کے پاس افرادی قوت،وسائل، ابھرتی منڈی،سٹرٹیجک محل وقوع اور نوجوانوں کی بڑی طاقت ہے،پاکستان اور خلیج تعاون کونسل کے درمیان آزاد تجارت کا معاہدہ حتمی مراحل میں ہے، یہ معاہدہ تجارتی تعلقات کو نئی بلندیوں تک پہنچائیگا۔ وزیر اعظم شہباز شریف کا کہنا تھا کہ پاکستان اور بحرین ایک جسم، دو روحیں اور ایک دل کی مانند ہیں۔ وقت آگیا ہے دونوں ممالک کے درمیان مضبوط تعلقات کو معا شی تعاون میں تبدیل کریں، دورے کا مقصد اقتصادی شعبوں میں نئی پیشرفت ہے۔ بحرینی سرمایہ کاروں کو پاکستان آکر سرمایہ کاری کی دعوت دیتا ہوں۔ منامہ میں کاروباری افراد سے خطاب کرتے ہوئے انہوں نے کہا میرے وفد کا انتہائی گرموجوشی اور فیاضی سے استقبال کیا گیا جس پر بحر ینی قیادت اور عوام کا شکر گزار ہوں۔ بحرین آکر ایسا محسوس ہو رہا ہے جیسے ہم اپنے دوسرے گھر آ گئے ہیں۔ پاکستان اور بحرین دو برادر ملک ہیں اور ہمارے تعلقات دہائیوں پر محیط ہیں۔ ہمارے تعلقات ثقافتی، مذہبی اور باہمی احترام پر قائم ہیں۔ ان کا کہنا تھا کہ دونوں مما لک کے درمیان سٹریٹجک شراکت داری کئی دہائیوں سے قائم ہے۔ دورے کا مقصد تعلقات کو مزید مضبوط کرنا اور اقتصادی شعبوں میں نئی پیشرفت پیدا کرنا ہے۔ زراعت، آئی ٹی اور دیگر شعبوں میں تعاون کے وسیع مواقع موجود ہیں۔ وزیراعظم شہباز شریف کا کہنا تھا کہ ہمارے مذاکرات انتہائی خوشگوار ماحول میں اور بامعنی ہوے۔ بحرینی قیادت کا پاکستان کے ساتھ تعلق برسوں پر محیط ہے۔ اب وقت آگیا ہے اب ہم ان مضبوط تعلقات اقتصادی تعلقات میں تبدیل کریں۔ انہوں نے کہا ہماری ساٹھ فیصد آبادی نوجوانوں پر مشتمل ہے، جن میں اکثریت کی عمریں پندرہ سے بیس سال کے درمیان ہیں۔ نوجوان آبادی ایک بڑا چیلنج ہونے کے ساتھ ملک کے لئے ایک بڑی نعمت او ر ایک عظیم طاقت بھی ہے۔ ہم نوجوانوں کو آئی ٹی کی جدید تربیت سے آراستہ کرنے کے ساتھ انکے لئے تعلیم،ترقی اور روزگار کے بہترین مواقعے فراہم کرنے کے لئے کوشاں ہیں۔ انہوں نے بحرین میں موجود پاکستانیوں کو ملک کا اہم اثاثہ قرار دیتے ہوئے کہا کہ بحریبن میں موجود پاکستانیوں نے گذشتہ مالی سال چار سو چوراسی ملین ڈالر ترسیلات زر بھیجیں۔ وزیراعظم کا کہنا تھا کہ پاکستانی کمیونٹی سے درخواست ہے کہ وہ بحرین کیلئے بھی بہترین سفیر بنیں۔ انہوں نے کہا پاکستان اور بحرین دوممالک ہی نہیں بلکہ ایک جسم اور دو روحیں اور ایک دل کی مانند ہیں۔ انہوں نے بحرینی سر مایہ کاروں کو پاکستان کے دورے کی دعوت دیتے ہوے کہا کہ پاکستان میں سرمایہ کاری کے بے پناہ مو اقع موجود ہیں، بحرین کے سرمایہ کا ر پاکستان آکر سرمایہ کاری کریں انھیں تمام تر سہولیا ت فراہم کی جائینگی۔ ان کا کہنا تھا کہ ہم بحرین کے تجربات سے فائدہ اٹھانا چاہتے ہیں۔ انہوں نے کہا ترقی کا راز بھی یہی ہے کہ اگر تیزی سے جانا ہے تو اکیلے چلیں اگر دور تک جانا ہے تو مل کر ساتھ چلیں اور ہم بحرین کے ساتھ ترقی کے سفر پر آگے بڑھنے کے خواہاں ہیں۔ ان کا کہنا تھا کہ پاکستان اور جی سی سی کا فری ٹریڈ معائدہ حتمی مراحل ہے یہ معائدہ ترقی کی نئی بلندیوں تک لے جائے گا۔